இந்தியன் வெல்ஸ்: இந்தியன் வெல்ஸ் ஓபன் டென்னிஸ் பைனலுக்கு இந்தியாவின் போபண்ணா, ஆஸ்திரேலியாவின் எப்டன் ஜோடி முன்னேறியது.

அமெரிக்காவின் இந்தியன் வெல்சில் ஆண்களுக்கான சர்வதேச ஓபன் டென்னிஸ் நடக்கிறது. இரட்டையர் பிரிவு அரையிறுதியில் இந்தியாவின் போபண்ணா, ஆஸ்திரேலியாவின் எப்டன் ஜோடி, அமெரிக்காவின் இஸ்னர். ஜாக் சாக் ஜோடியை எதிர் கொண்டது. ‘டை பிரேக்கர்’ வரை சென்ற முதல் செட்டை போபண்ணா ஜோடி 7–6 என போராடி கைப்பற்றியது. தொடர்ந்து ஆதிக்கம் செலுத்திய இந்த ஜோடி அடுத்த செட்டையும் 7–6 என தனதாக்கியது. ஒரு மணி நேரம் 38 நிமிடம் நடந்த போட்டியின் முடிவில் போபண்ணா, எப்டன் ஜோடி 7–6, 7–6 என்ற நேர் செட் கணக்கில் வெற்றி பெற்று பைனலுக்குள் நுழைந்தது.