Advertisement


ஆஸி., ஓபன்: பெடரர், நடால் அசத்தல்

ஜனவரி 14, 2019.
 Comments  
 


Australian Open Tennis, Nadal, Sharapova, Gunneswaran
 
மெல்போர்ன்: ஆஸ்திரேலிய ஓபன் டென்னிஸ் முதல் சுற்றில் பெடரர், நடால் வெற்றி பெற்றனர்.

ஆஸ்திரேலியாவின் மெல்போர்ன் நகரில், நடப்பு ஆண்டின் முதலாவது ‘கிராண்ட்ஸ்லாம்’ டென்னிஸ் தொடரான ஆஸ்திரேலிய ஓபன் டென்னிஸ் நடக்கிறது. இதன் ஆண்கள் ஒற்றையர் பிரிவு முதல் சுற்றில் ஸ்பெயினின் ரபெல் நடால், ஆஸ்திரேலியாவின் ஜேம்ஸ் டக்வொர்த் மோதினர். இரண்டு மணி நேரம், 15 நிமிடம் நீடித்த போட்டியில் நடால் 6–4, 6–3, 7–5 என்ற நேர் செட் கணக்கில் வெற்றி பெற்று, 2வது சுற்றுக்கு முன்னேறினார்.

மற்றொரு போட்டியில் ‘நடப்பு சாம்பியன்’ சுவிட்சர்லாந்தின் ரோஜர் பெடரர் 6–3, 6–4, 6–4 என்ற நேர் செட் கணக்கில் உஸ்பெகிஸ்தானின் டெனிஸ் இஸ்தோமினை தோற்கடித்தார்.

மற்ற முதல் சுற்றுப் போட்டிகளில் தென் ஆப்ரிக்காவின் கெவின் ஆண்டர்சன், குரோஷியாவின் மரின் சிலிக், செக்குடியரசின் தாமஸ் பெர்டிச், பல்கேரியாவின் கிரிகோர் டிமிட்ரோவ், பிரான்சின் கேல் மான்பில்ஸ், ஆஸ்திரேலியாவின் மாத்யூ எப்டன், ஜோர்டான் தாம்ப்சன், ஜான் மில்மேன், ஸ்பெயினின் பெர்ணான்டோ வெர்டாஸ்கோ, இத்தாலியின் ஆன்ட்ரியாஸ் செப்பி உள்ளிட்டோர் வெற்றி பெற்று 2வது சுற்றுக்குள் நுழைந்தனர்.

ஷரபோவா அசத்தல்

பெண்கள் ஒற்றையர் பிரிவு முதல் சுற்றில் ரஷ்யாவின் மரியா ஷரபோவா, இங்கிலாந்தின் ஹாரியட் டார்ட் மோதினர். ஒரு மணி நேரம், 3 நிமிடம் நீடித்த போட்டியில் அசத்திய ஷரபோவா 6–0, 6–0 என்ற நேர் செட் கணக்கில் மிகச் சுலபமாக வெற்றி பெற்று, 2வது சுற்றுக்கு முன்னேறினார்.

மற்றொரு போட்டியில் ‘நடப்பு சாம்பியன்’ டென்மார்க்கின் கரோலின் வோஸ்னியாக்கி 6–3, 6–4 என்ற நேர் செட் கணக்கில் பெல்ஜியத்தின் அலிசன் வானை வீழ்த்தினார். ஜெர்மனியின் கெர்பர் 6–2, 6–2 என, சுலோவேனியாவின் போலோனா ஹெர்காக்கை வென்றார். செக்குடியரசின் பெட்ரா கிவிட்டோவா 6–3, 6–2 என, சுலோவாகியாவின் ரிபாரிகோவாவை வீழ்த்தினார்.

மற்ற முதல் சுற்றுப் போட்டிகளில் அமெரிக்காவின் ஸ்லோன் ஸ்டீபன்ஸ், டேனியல் கோலின்ஸ், ஆஸ்திரேலியாவின் ஆஷ்லே பார்டி, பிரான்சின் கரோலின் கார்சியா, நெதர்லாந்தின் கிகி பெர்டன்ஸ், சீனாவின் யபான் வாங், ரஷ்யாவின் அனஸ்டாசியா பவுலிசென்கோவா, சுவிட்சர்லாந்தின் பெலிண்டா பென்சிக் உள்ளிட்டோர் வெற்றி பெற்றனர்.

குன்னேஸ்வரன் ஏமாற்றம்

ஆண்கள் ஒற்றையர் பிரிவு முதல் சுற்றில் இந்தியாவின் பிரஜ்னேஷ் குன்னேஸ்வரன், அமெரிக்காவின் பிரான்சஸ் டியாபோ மோதினர். ஒரு மணி நேரம், 52 நிமிடம் நீடித்த போட்டியில் குன்னேஸ்வரன் 6–7, 3–6, 3–6 என்ற நேர் செட் கணக்கில் தோல்வியடைந்து வெளியேறினார்.

Advertisement
Advertisement
dinamalar-advertisement-tariff-2018
Advertisement
  
Post a Comments
  
Print
      
Email
       Share    
உங்கள் கருத்தைப் பதிவு செய்ய
Name
Email
City
Country
(Press Ctrl+g or click thisto toggle between English and Tamil)
அதிகபட்ச எழுத்துக்கள் - 1000
captcha
Not readable? Change text.

மேலே உள்ள எண்ணை பதிவு செய்யவும்




Login with :
(or)
*User Email
*Password
  

Forget password?